Waiata

  1. Whakarongo ki te reo Māori
  2. Toro mai tō ringa
  3. Māku rā pea
  4. Purea nei e te hau
  5. Tūtira mai ngā iwi
  6. Whakaaria mai
  7. Tū kotahi
  8. E rere te manu

Whakarongo ki te reo Māori


Whakarongo ki te reo Māori e karanga nei
Whakarongo ki ngā akoranga rangatira
Nā te Atua i tuku iho ki a tātou e
Pupuritia, kōrerotia mō ake tonu

Tirohia ngā tikanga tapu a ngā tipuna
Kapohia hei oranga ngākau auē
Whiua ki te ao, whiua ki te rangi
Whiua ki ngā iwi katoa
Kaua rawatia e tukua e
Kia memeha e

Whakarongo ki te reo Māori e karanga nei
Whakarongo ki ngā akoranga rangatira
Tēnā kia purea te hau ora e
He kupu tuku iho mō tēnei reanga
He kupu tuku iho mō tēnei reanga
Whakarongo!

Toro mai tō ringa


Toro mai tō ringa
Kia harirutia
Tō ringa i āwhi pono
I āwhi taku tinana

Auē, auē te aroha
Ki a rātou mā
Auē, auē te aroha
Ngau whakaroto nei

Hikitia e ngā iwi
Kia rewa ki runga
Ngā taonga a ngā mātua
Kua ngaro ki te pō

Auē, auē te aroha
Ki a rātou mā
Auē, auē te aroha
Ngau whakaroto nei

Māku rā pea

Māku rā pea
Māku koe e awhi e
Ki te ara, ara tupu
Māku koe e awhi e

Purea nei e te hau

Purea nei e te hau
Horoia e te ua
Whitiwhitia e te rā
Mahea ake ngā pōraruraru
Makere ana ngā here

E rere wairua e rere
Ki ngā hau o te rangi
Whitiwhitia e te rā
Mahea ake ngā pōraruraru
Makere ana ngā here

Tūtira mai ngā iwi

Tūtira mai ngā iwi
Tātou tātou e
Tūtira mai ngā iwi
Tātou tātou e
Whaia te māramatanga
Me te aroha
E ngā iwi
Kia tapatahi
Kia kotahi rā
Tātou tātou e

Whakaaria mai

Whakaaria mai
Tōu rīpeka ki au
Tīaho mai, rā roto i te pō
Hei konei au, titiro atu ai
Ora, mate
Hei au koe noho ai

Tū kotahi

Tū Kotahi
Tū Kaha
Tātou tātou e

Ngā piki,
ngā heke
Tū Kotahi e

E rere te manu

E rere te manu, ki te mau i te rau
O te aroha, ki te tau o taku ate

Mei au ngā whetū, hei putiputi mau
Hei tātai atu, ki tō uma
Kōpu i te ao, pareārau ki te pō

Tīaho iho rā, ngā whetū te mārama
Ki runga ki te tau o taku ate

Mei au ngā whetū, hei putiputi mau…
E rere te manu (x3)

2 thoughts on “Waiata”

  1. Ka puta mai koutou I nga kupu rereke ki tana mahi tohu
    korerotia waiatatia ranei ki te kupu o te Atua
    Ma Ihowa, te kupu nei. Kia tae mai tou Rangatiratanga ki tetahi tangata ki te whakaritenga e hara ana kia matou.
    Tahuri mai ano ki te karaipiture ki te akonga e te iwi, e rite ana ki to te rangi
    E te Atua e tiaki I nga tangata katoa, e manaaki ana matou kia honore ki te kuini.
    Tihei mauri ora!
    Kia kaha kia maia kia ngakaunui
    Te Kuini e hiahia ana ano e rite ana.

What are your thoughts?

Tertiary Education Union – Te Hautū Kahurangi o Aotearoa